1-2 чэрвеня ў дзіцячым рэабілітацыйна-аздараўленчым цэнтры "Надзея" на беразе Вілейскага вадасховішча праходзіць 10-ы штогадовы рэспубліканскі турнір па міні-футболе SENI CUP для людзей з абмежаванымі псіхафізічнымі магчымасцямі.
У спаборніцтвах прымаюць удзел 16 каманд спартсменаў-аматараў з розных рэгіёнаў Беларусі. Наймацнейшы прадстаўнік пазмагаецца за перамогу ў заключных гульнях у Польшчы, у горадзе Торунь, летам гэтага года.
Гасцямі мерапрыемства штогод становяцца вядомыя спартсмены, артысты, прадстаўнікі дзяржаўных і грамадскіх арганізацый. У гэтым годзе на дабрачынным канцэрце выступяць беларускія артысты Вікторыя Алешка, Ірына Відава і Алег Молчан, Ганна Бонд, Віктар Каліна, Дзяніс Дзямідаў, Арына Войт, Дыяна Громава, групы "Шума", "Даміно", "Белае сонца".
Дадзены турнір у Беларусі праводзіцца, пачынаючы з 2006 года, пры падтрымцы Беларускай федэрацыі футбола, польскай кампаніі TZMO S.A. і пад патранажам Міністэрства працы і сацыяльнай абароны Ён закліканы падтрымаць людзей з парушэннямі рухальнай, нервовай і псіхічнай функцыі арганізма, якія пражываюць у медыцынскіх установах і інтэрнатах. Гэта яскравы прыклад партнёрства дзяржавы і прыватнага бізнесу ў сферы вырашэння сацыяльных задач.
Святлана БУСЬКО
http://www.zviazda.by
Источник: http://www.zviazda.by |